CD14. Գաղտնիքի վիզուալ մարմնավորումը

Արվեստը դադարում է լինել զուտ տեսողական երևույթ, երբ այն վերածվում է իրավական և ինտելեկտուալ պատասխանատվության։

«CD14»-ը իմ անձնական գաղտնիքի կոդավորված վիզուալ արտահայտումն է։ Այս կտավը իմ կյանքի մի մասն է, որը հասանելի է դառնում միայն նրան, ով պատրաստ է վերծանել լռությունը։

Գաղտնիքի ֆիքսում

Իմ անձնական գաղտնիքը պահվում է փակ, ծրարում։ Այն կհանձնվի կտավի նոր սեփականատիրոջը (գնորդին կամ հաղթողին) բացառապես գործարքի ավարտին՝ ի հաստատումն այն բանի, որ գաղտնիքը մնացել է անփոփոխ և անհատական։

Սեփականատեր դառնալու ուղիները

Գնորդի համար. Դուք ձեռք եք բերում կտավը և գաղտնիքի ծրարը՝ ֆիքսված 680,000 ՀՀ դրամ արժեքով։

Վերծանողի համար. Դուք վերծանում եք «CD14» կոդը և ապացուցում այն ինձ։ Հաջողության դեպքում դուք ստանում եք կտավը և գաղտնիքի ծրարը անվճար՝ որպես մրցանակ ձեր բացառիկ մտքի և ինտելեկտի համար։

Իրավական պարտավորություններ (NDA)

Անկախ ձեռքբերման եղանակից՝ կտավը և գաղտնիքի ծրարը հանձնվում են բացառապես Գաղտնիության մասին պայմանագիր (NDA) ստորագրելուց հետո։

Իրավական երաշխիք՝ Փաստաբան Ծովինար Կարապետյանի կողմից մշակված պայմանագրով՝ սեփականատիրոջն արգելվում է հանրայնացնել, փոխանցել երրորդ անձանց կամ որևէ կերպ հուշել իմ անձնական գաղտնիքի բովանդակությունը։

Պատասխանատվություն՝ Գաղտնիքի ցանկացած տիպի արտահոսքի դեպքում սեփականատերը պարտավորվում է վճարել տուգանք՝ 6,800,000 ՀՀ դրամի չափով (կտավի արժեքի տասնապատիկը)։

«Ես վաճառում եմ ոչ թե ներկեր, այլ իմ անձնական գաղտնիքը, որը կոդավորված է CD14-ով։ Լռություն, որն ունի հստակ գին կամ պահանջում է բացառիկ միտք»։
— Arno Karoni