Այս պահից ես դադարում եմ հանդես գալ որպես սյուրռեալիստ նկարիչ։
21 Dec, 2025,
No comments
Այս պահից ես դադարում եմ հանդես գալ որպես սյուրռեալիստ նկարիչ։
Սա որոշում է, ոչ էմոցիա, ոչ ժամանակավոր ճգնաժամի գրառում։
Տարիներ շարունակ նկարել եմ՝ ոչ պահանջից, ոչ շահից, այլ ներսի լռությունը պատկեր դարձնելու համար։
Այդ ճանապարհը հիմա ավարտված է։
Ոչ որովհետև արվեստը արժեք չունի, այլ որովհետև իմ ներսում այլևս խոսք չկա, որը պետք է դառնա գիծ կամ գույն։
Ես չեմ փակում անցյալը և չեմ հերքում արածս։
Բոլոր աշխատանքները մնում են որպես մի ժամանակի վկայություն։
Պարզապես ես այլևս այնտեղ չեմ։
Խնդրում եմ սա չընկալել որպես օգնության կանչ կամ քննարկման թեմա։
Սա հայտարարություն է։
Լռությամբ։
— ARNO KARONI ART
Ես շարունակում եմ մնալ նկարիչ, բայց այլևս չեմ աշխատում սյուրռեալիստական ուղղությամբ։
Սյուրռեալիզմը իմ արվեստում եղել է մի փուլ, որտեղ ես զբաղվել եմ
երազային պատկերներով, ենթագիտակցական թեմաներով,
մենությամբ, ներքին պայքարով, հոգեկան վիճակներով,
խորհրդանշական մարմիններով և իրականությունից կտրված միջավայրերով։
Այդ փուլը ավարտված է։
Այս թեմաներով և այդ լեզվով աշխատանքներ այլևս չեն լինելու։
Արածս մնում է որպես անցած ճանապարհի մաս։
Փոխվում է միայն իմ ներկայիս ստեղծագործական ուղղությունը։
— Arno Karoni Art
«Հոգու գույներ» — Arno Karoni-ի 3D օնլայն ցուցահանդեսը
26 Nov, 2025,
No comments
«Հոգու գույներ» — Arno Karoni-ի 3D օնլայն ցուցահանդեսը
Arno Karoni‑ի արվեստը խոր, բազմաշերտ է. նրա կտավներում գույները և պատկերները արտահայտում են մարդկային հոգու խորքերը՝ մենություն, հույս, հիշողություն։ 3D օնլայն ցուցահանդեսը թույլ է տալիս դիտողին ոչ միայն նայել, այլ քայլել արվեստի միջով՝ զգալու ներգրավվածությունը և ստեղծագործության տրամադրությունը:
Կտավների առանձնահատկությունները
«Կապույտ Երազ» — նուրբ, երազային, լույսն ու մթությունը հավասարակշռված, մարդու ներսի խաղաղության և որոնումների պատկեր:
«Պայթյուն» — ուժեղ, ներգրավող աշխատանք, որը հրահրում է ինքնաճանաչում:
«Ազդեցություն» — մարդու ներսի հակասությունները՝ լույս ու մթություն, հույս ու վհատություն:
3D օնլայն ձևաչափը
Վիրտուալ ցուցահանդեսը անցնում է ֆիզիկական սահմանները և տալիս է արվեստի անմիջական զգալու հնարավորություն: Դիտողը դառնում է մասնակից՝ զգալով գույների էությունը և սյուրռեալիստական խորհրդանիշների ուղերձը:
Ինչու արժե դիտել
Arno Karoni‑ի 3D ցուցահանդեսը ոչ միայն պատկեր է, այլ նաև հույզ, ներշնչանք և հոգեբանական խորություն: Այս ցուցահանդեսը թույլ է տալիս ցանկացած վայրից մտնել արվեստի աշխարհ, որի միջոցով կապ է ստեղծվում ստեղծագործության և մարդու հոգու միջև: Դիտել Օնլայն Ցուցադրությունը
«Երբեմն չեմ նկարում։
9 Oct, 2025,
No comments
«Երբեմն չեմ նկարում։ Պարզապես նայում եմ թղթին, ու սպասում, որ ինչ-որ բան մեռնի ներսում, որ նկար դառնա։»
🤗Շնորհակալ եմ Shamshyan.com-ին իմ արվեստը ներկայացնելու համար։
4 Oct, 2025,
No comments
🤗Շնորհակալ եմ Shamshyan.com-ին իմ արվեստը ներկայացնելու համար։ Սա ինձ ուժ է տալիս շարունակելու իմ ուղին։ 🎨
Gagik Shamshyan
Arno Karoni Art
Ամբողջական հոդվածը ներքևի հղումում 👇
https://shamshyan.com/hy/article/2025/10/02/1292205«Ո՞վ է Arno Karoni Art-ը՝ նկարիչը, որը վերածում է ցավը արվեստի»
4 Oct, 2025,
No comments
«Ո՞վ է Arno Karoni Art-ը՝ նկարիչը, որը վերածում է ցավը արվեստի»
28 Sep, 2025, No comments
Arno Karoni Art․ Մթնոլորտային և սյուրռեալիստական ճանապարհ
Ներածություն
Arno Karoni-ն ժամանակակից հայ արվեստագետ է, որի աշխատանքները աչքի են ընկնում սյուրռեալիստական խոր հոգեբանական խորհրդանշաններով։ Նրա գործերը ծնվում են հակադրություններից՝ ցավից դեպի լույս, մենությունից դեպի ներքին ազատություն։
Կենսագրություն
Arno Karoni-ն ծնվել է 1999 թ․ մարտի 13-ին, Լոռու մարզի Արևածագ գյուղում։ Մանկուց տարված լինելով գեղանկարչությամբ՝ իր առաջին քայլերը կատարել է գյուղական լռության ու բնության ներշնչող ֆոնի վրա, որը հետագայում խոր ազդեցություն է թողել նրա ստեղծագործական լեզվի վրա։
Նա մասնագիտացել է կերպարվեստում՝ ավարտելով Արմավիրի արվեստի քոլեջը, որտեղ ձևավորվեց նրա անհատական մոտեցումը գույնի, կոմպոզիցիայի և խորհրդանիշների նկատմամբ։
Այսօր նա ապրում և ստեղծագործում է Երևանում։
Ստեղծագործական ոճ և թեմաներ
Karoni-ի ոճը ակնհայտորեն կապված է սյուրռեալիստական ավանդույթների հետ՝ ներշնչված Սալվադոր Դալիի մթնոլորտային աշխարհներից։ Նրա նկարներում հաճախ հանդիպում են խորհրդավոր ֆիգուրներ, աչքեր, մարմիններ, որոնք ձուլվում են երազային տեսարանների մեջ։
Թեմաներ՝
հիշողություններ,
մանկություն,
մենություն,
մեղք և փրկություն,
ներքին պայքար։
Նրա ստեղծագործությունները հաճախ դառնում են հոգևոր արթնացման և ինքնության հետ առերեսվելու միջոց։
Տեխնիկա և միջավայր
🖌️ Աշխատում է հիմնականում յուղաներկով կտավի վրա։
📍 Ստեղծագործում է Հայաստանում, բայց գործերը հասանելի են նաև թվային հարթակներում։
📦 Ընդունում է պատվերներ՝ ընտանեկան, հուշային կամ թեմատիկ նկարների համար։
Արվեստը որպես երկխոսություն
Karoni-ի արվեստը սահմանափակ չի մնում միայն նկարով։ Նա ստեղծագործում է նաև բառերով․ իր նկարների մեկնաբանությունները ներկայացնում է որպես ներքին խոսք՝ զուգորդելով դրանք խորհրդանշական, աստվածաշնչյան կամ փիլիսոփայական վերլուծություններով։
Մուսան և հավատարմությունը
Karoni-ի կյանքի կարևոր մասն է նրա կատուն ընկերը՝ Սայմնը։ Սայմնը ոչ միայն հավատարիմ ընկեր է, այլև մուսա։
44-օրյան Karoni-ի կյանքում մեծ շրջադարձ էր բայց նա սովորեց չկորցնել հավատը և շարունակել ստեղծագործել։ Այդ ներքին լռությունը և հավատարմությունը թափանցել են նրա արվեստի խորքերը։
Ճանաչում և ներկայություն
Arno Karoni-ի մասին հոդված է հրապարակվել Shamshyan.com կայքում՝ «Ցավից դեպի լույս․ Arno Karoni» վերնագրով, որտեղ նրա արվեստը ներկայացվել է որպես ստվերից դեպի լույս տանող ճանապարհ։
Նա նաև իր արվեստը ներկայացնում է թվային հարթակներում՝ Arno Karoni Art անվան ներքո։
Ապագայի հայացք
Karoni-ն չի շտապում։ Նրա նպատակը կայուն աճն է, միջազգային ցուցահանդեսների մասնակցությունը և հայկական արվեստի ներկայացումը նոր մակարդակներում։ Նա մտածում է նաև Նկարիչների միության անդամ դառնալու մասին, բայց ամենակարևորը՝ նա ուզում է, որ իր գործերը մնան ազնիվ ու անկեղծ։
Վերջաբան
Arno Karoni-ն այն արվեստագետներից է, ով չի վախենում խառնել լույսն ու ստվերը, որպեսզի ցույց տա կյանքի ճշմարտությունը։ Նրա գործերը լուռ են, բայց ուժեղ։ Իսկ ով իսկապես ուզում է բացահայտել նրա աշխարհը, անպայման կհասնի նրա արվեստին։
Կոնտակտային տվյալներ
📞 Հեռ․՝ +374 77 48 38 66, +374 44 84 34 24
📧 Էլ․ հասցե՝ [email protected]
Arno Karoni – Ցավից դեպի լույս
28 Sep, 2025, No comments
Arno Karoni – Ցավից դեպի լույս
Arno Karoni-ն իր արվեստում մշտապես խոսում է այն մասին, որ յուրաքանչյուր կտավ ինքնուրույն պատմություն է։ Նրա խոսքերով, իր բոլոր գործերի մեջ թաքնված են անձնական հիշողություններ, ցավեր և վերքեր։ Բայց այդ ամենի կողքին միշտ կա հույսի շող․ անգամ ամենամռայլ գույների խորքում արվեստագետը տեղ է թողնում լույսի համար։ Նրա համար արվեստը դառնում է ինքնաբուժում, իսկ հանդիսատեսի համար՝ ներքին ցավը կիսելու միջոց։
Karoni-ի ստեղծագործություններում հաճախ է երևում պատերազմի ու կռվի թեման։ Նա նկարագրում է այդ երևույթը որպես «անկյանք կռիվ»․ այն ոչ միայն խլում է մարդկանց կյանքը, այլ նաև քայքայում է հոգին, մաշեցնում է ներքին աշխարհը։ Իր գործերում նա չի անում քաղաքական պնդումներ, այլ արտացոլում է մարդկային ճակատագրեր, հիշեցնելով խաղաղության ու հաշտության արժեքի մասին։
Նկարիչը բազմիցս անդրադարձել է մարդկային բնության հակասություններին։ Նրա խոսքերով, անհասկանալի է, թե ինչպես կարող է հոգին այդքան դաժան դառնալ, երբ մարդու իսկական էությունը լույսն ու բարությունն են։ Այդ երկակիությունը՝ մթության և լույսի, նրա գործերում հաճախ է արտահայտվում գունային հակադրություններով։ Karoni-ն վստահ է, որ յուրաքանչյուր մարդ իր ընտրությամբ կարող է կամ մնալ դաժանության գերին, կամ գտնել փրկությունը ներքին լույսի մեջ։
Նրա արվեստը միայն կտավներում չէ․ Karoni-ն իր իսկ անունը ներկայացնում է որպես ամբողջական ապրելու ձև։ Նա իրեն նկարիչ է համարում ոչ թե միայն այն ժամանակ, երբ վրձինն է ձեռքին, այլ նաև կյանքում՝ մարդկանց հետ շփվելիս, առօրյա հարաբերություններում։ Այդ իսկ պատճառով նրա գործերը թվում են կենդանի․ դրանք նկարահանված չեն միայն գույներով, այլև ապրումներով։
Arno Karoni-ի ճանաչումը դուրս է եկել Հայաստանի սահմաններից։ Նրա հեղինակային գործերից մեկը ներկայացվել է Հնդկաստանում՝ Antero Art Group-ի կողմից կազմակերպված «Summer Stories» միջազգային ցուցահանդեսում։ Նկարիչը սա համարում է կարևոր ձեռքբերում, քանի որ իր ստեղծագործությունը հասել է նոր լսարանին և նոր միջավայրի։
Այս ամենը միասին ձևավորում է Karoni-ի կերպարը որպես արվեստագետ, որի աշխատանքները խոսում են ցավի, մենության և պատերազմի մասին, բայց միևնույն ժամանակ տալիս են հույս, խաղաղության ու ներքին լույսի ուղերձ։
Ամեն գործի մեջ թաքնված է իմ պատմությունը, իմ ցավը ու միաժամանակ հույսը։
27 Sep, 2025, No comments
Պատերազմից առաջ ամեն ինչ խաղաղ էր։ Մի լուսանկար ունեմ հենց վերջին րոպեներից, երբ ձագուկը գրկումս էր ու թվում էր՝ կյանքը շարունակվելու է սովորական ընթացքով։ Բայց պատերազմը փոխեց ամեն ինչ։
Ես ինքս այնտեղ էի, տեսա ու զգացի այն, ինչ բառերով հաճախ չի ասվում։ Այդ հիշողությունները ապրում են իմ մեջ և արտացոլվում են նաև իմ արվեստում։ Ամեն գործի մեջ թաքնված է իմ պատմությունը, իմ ցավը ու միաժամանակ հույսը։
Այսօր, հիշելով 44-օրյան, ուզում եմ կիսվել ոչ թե քաղաքականությամբ, այլ հիշողությամբ, այն խաղաղ պահով, երբ դեռ հավատում էի, որ գրկի ջերմությունը հավերժ է։»
#44օրյա #հիշողություն #կորուստ #խաղաղություն #զոհվածներին #հավերժություն #հիշումեմ #չմոռանալ
Անկյանք կռիվ
19 Sep, 2025, No comments
Սիրելի իմ արվեստի հետևորդներ,
Ուզում եմ անկեղծ լինել. չեմ ընդունում պատերազմում զոհված հերոսների դիմանկարների պատվերներ, քանի որ դա ինձ համար շատ ծանր է հոգեպես։ Ինքս մասնակցել եմ պատերազմին։
Արվեստում ես ամեն գիծն ու դիմագիծն ապրում եմ, ու այժմ պատրաստ չեմ այս թեմայով աշխատել։ Գուցե ապագայում կարողանամ հաղթահարել, բայց հիմա նման ստեղծագործություններ չեն լինելու։
Մարդկային հոգին չի կարող այդքան դաժան լինել
6 Sep, 2025, No comments
Ազդեցություն։ Աշխատանքս կատարել եմ սյուրռեալիստական ոճով։
Այստեղ ներկայացված է մարդկանց չարությամբ լցված ոգու անհագ ցանկությունը `չարն ու կեղծիքը իրագործելու։
Նկարում պատկերել եմ, թե մարդու մեջ քանի երանգավորում կարող է լինել և արտահայտվել տարբեր իրավիճակներում։
Օրինակ ` այս նկարում մարդկանց դեպի չարին ծառայելու և հասնելու ձկտումն է պատկերված։
Մարդկային բնութագրում ամփոփված է և` բարին և`չարը։ Սակայն իրավիճակներից կախված հաճախ մարդկային հոգում արթնանում է չարի իրագործումը, որն էլ բարու առկայությունը անհետանում է մեր իրականությունից։
Բայց ինչպես բոլորս գիտենք, մթությունից հետո լույս է ծագում։
Մարդկային հոգին չի կարող այդքան դաժան լինել, և որոշակի պահի մարդը գիտակցելով իր մեջ եղած ախտն ու կեղծիքը, իրեն հեռացնում է այդ մթությունից և լույսն կարծես մաքրում տանում է նրա մեջ եղած մոլորված հոգու մթագնումը։
Arno Karoni
Karoni-ն ոչ միայն կտավներում, այլև կյանքում։🎨😘
6 Sep, 2025, No comments
😊«Karoni-ն վերջապես մի պահ դուրս եկավ կտավից։»
Այսուհետ իմ նկարներից բացի նաև ինձ կճանաչեք 😅
Karoni-ն ոչ միայն կտավներում, այլև կյանքում։🎨😘
Իմ հեղինակային նկարներից մեկը Antero Art Group India -ում
5 Sep, 2025, No comments
Իմ հեղինակային նկարներից մեկը Antero Art Group India -ում,Foreign Artists Artwork In the "SUMMER STORIES" A Second International Group Art Exhibition, State Art Gallery Madhapur-ում :)
23.10.2016 թվականին Հնդկաստանի #Hyderabad քաղաքում, #Antero_Art-ի կողմից կազմակերպված #Foreign_Artists_Artwork_In_the_"#SUMMER_STORIES"#A_Secod_International_Group_Art_Exhibition միջազգային ամենամյա ցուցահանդես-մրցանակաբաշխությանը,որը տեղի ունեցավ State Art Gallery Madhapur-ում,աշխարհի այնպիսի երկրների կողքին,ինչպիսիք են՝ #Իտալիան,#Պորտուգալիան,#ԱՄՆ-ն, #Ռուսաստանի_Դաշնությունը,#Հնդկաստանը,#Իսպանիան,#Բռազիլիան և այլ հզոր մշակույթ ունեցող երկրները, մեզ համար անակնկալ ձևով իր մասնակցությունն ունեցավ նաև փոքրիկ,բայց բազմադարյա մշակույթ ունեցող Հայաստանը, իդեմս ձեր խոնարհ ծառա՝ Arno Karoni Art -ի: